Kam to me tho in my nede,
With-outë gerdoun other mede.
Line 1300
And, for I hadde of spechë lak,
Wonderly goodly for me he [[she St.]] spak;
Profrede for to help of grace
To makë me the Ryuer passe,
Line 1304
And that I myght ouer gon,
And that I wer ek wasshe a-noon,
In al that euer he coude or myghte;
And Guyllyam ffor-Sothly [[sothely St.]] he hyhte:
Line 1308
Hys surname I nat ne knew.
And thus he spak to Gracë Dieu:
"Myn almesse, with your grace,
I wyl fulfyllen in thys place;
Line 1312
And yiff ye wyl, I callë shal
Off your hous the offycyal
(ffor yt ys now ryht good sesoun
Affter your oppynyoun
Line 1316
That he make, by your byddyng,
Of thys pylgrym the wasshyng,
Wher-of ye han so mych sayd."
Quod she, 'I am ryht wel apayd.'
Line 1320
And ther-with-al, benygne of look,
The aduocaat a-noon me took
Of charyte, by gret plesaunce,
Affter the custom & vsaunce,
Line 1324
And madë callë [[calle St., calle of C.]] fyrst of al
To helpyn hym the offycyal;
Bad hym also, among hem alle,
After hys namë me to calle, [See note to l. 1298.] [folio 22b]
Line 1328
That he shold ek don hys dever
To helpe me passë the Ryver,
That I wer wasshen A-noon ryht.
And he so dyde with al hys myght;
Line 1332
And many thynges, as he abrayde,
Over me, me thouhte he sayde;
Wordys that hadde gret vertu,
As he was tauht of Gracë Dieu;
Line 1336
Wher-thorgh, me thouht, & that a-noon,
