'Tak hed, whan men sowen greyn,
The huske, the chaff (yt ys no nay,)
Mot fyrst be clenë putt a-way,
Line 1264
Er yt be throwe vp-on the lond,
And sowe a-brood with manhys hond,
Naked and pur, yff thow take hede.
And after-ward, whan yt doth seede,
Line 1268
Vpon the tyme of hys Rypyng
And the seson of gadryng,
Men fynde a-geyn the samë corn,
Huskyd as yt was be-forn,
Line 1272
And ther-to clothyd newe a-geyn.
'By wych exaumple, in certeyn,
Thogh thy fadyrs were, by grace,
Off ther orygynal trespace
Line 1276
purgyd clene, & frely quyt,
The caffë [[Chaffe St., Caff C.]] and the strowh abyt,
Reneweth ay & euer shal,
Off the synne orygynal,
Line 1280
Vpon the greyn, wych of hem spryngeth,
The huske alway with hem they bryngeth.
Alle folkys, as thow shalt lere,
That kyndely be sowen here
Line 1284
In thys world, fro day to day,
The husk with hem abyt alway,
And seueryth nat in no manere
Tyl they be wasshe in the Ryuere:
Line 1288
Wherfor (by short conclusyoun,)
They nede echon purgacyoun.'
The pylgrym:
Thanne me sempte yt was but veyn,
Mor for me to speke a-geyn,
Line 1292
Or makë replycacyoun
Ageynys her oppynyoun. [folio 22a]
Off hevynesse I weptë sore;
ffor tho I koudë do no more,
Line 1296
I was so whapyd & amaat,
Tyl at the last an aduocaat [A godfather (after whom Guillaume de De Guilleville was called).]
