'Ryghtvysnesse orygynal,
Line 1224
Thow shalt yt neuer haue A-geyn;
But truste, & be ryght wel certeyn,
That after thow be wasshë clene,
The fylthe ther-of, (thus I mene)
Line 1228
Thy wasshyng shal yt sette A-syde,
But concupyscence shal abyde. [folio 21a]
'Take the wordys as I the telle;
But yiff thow wylt, I shal ay dwelle
Line 1232
With the, to helpe the ay at nede,
That thow mayst in verray dede
Maken myghty résystence
Ageynys thy concupyssence,
Line 1236
Wych shal the derë neveradel
Yiff so be thow bere the wel.
And, but I seyë thy wasshyng,
I myhte the helpyn yn no thyng;
Line 1240
ffor the wasshyng (I the ensure)
Doth away al the ordure
Off al that kepen duëly
Ther maryage, and feythfully;
Line 1244
ffor wych, to the ys profytable
Thys wasshyng, & gretly vayllable.
Thy ffader, thy moder ek also,
Wer wasshyn ther-in, bothë two,
Line 1248
Whan they wer born; & so shalt thow,
Syth yt ys syttyng for thy prow:
That thow hem sue, yt ys Resoun.'
The pylgrym:
"I haue," quod he, "suspecyoun
Line 1252
Off ther wasshyng now sodenly.
Yiff they wer wasshë duëly
Off ther synne orygynal,
Me semeth yt sholde folwe in al,
Line 1256
Syth I am gete of [[gate in St.]] ther kynrede,
I sholde go quyt (who taketh hede,)
Off orygynal in euery thyng,
Thorgh vertu ferst of ther wasshyng."
Line 1260
Grace dieu:
'Than,' quod she to me a-gayn, [folio 21b]
