'Yiff Ryhtwysnesse orygynal
Thow wante, wych thow sholdest haue,
I myghte pryve, [[preve St.]] so God me save
Line 1188
And conclude with-outë wene,
Off som fylthe thow wer vnclene.
I dar yt seyn, and wel expresse,
Namly whan thow in vnclennesse
Line 1192
Off flesshly lust wer fyrst be-gete,
Wych shold not be for-gete;
ffor fleshly lust (in sentence)
ycallyd ys concupyscence.
Line 1196
As thus consydre myn entent;
Whan soule and flessh to-gadre [[gydre St.]] assent
To don any gret offence, [folio 20b]
Than yt ys concupyscence,
Line 1200
And nouther party by dyffence
Lyst not makë résistence,
As they shold of equyte,
Wher-thorgh ther fayrnesse & bewte
Line 1204
Dyffacyd ys of bothë [[boothe St., both C.]] tweyne.
And euene lyk (in wordys playne)
Thoffencë long or thow wer borne,
Off thy fadrys her-to-forn,
Line 1208
Hath lost (yiff thow koudest se)
Thi gretë [[grete St., gret C.]] fredam & bewte;
And ther trespace, (yiff thow lyst lere,)
Ther lynage beyth [[beyeth St.]] yt al to dere.'
Line 1212
The pylgrym: [[Pylygrym Asketh St.]]
"With al myn hertë [[herte St., hert C.]] now I pray
O thyng that ye wyl me seye:
yff thys wasshyng, with-outë more,
May Restablysshe or restore
Line 1216
The ryhtwysnesse wych, day & nyht,
I ouhte haue hadde of verray ryht;
And yiff thys wasshyng (in sentence)
May A-nulle concupyscence?"
Line 1220
Grace dieu:
'Teuchyng [[Touchyng St.]] that we have on honde,
Thow must pleynly vnderstonde
A thyng wych I the tellë shal.
