'Or he trespacede in any wyse.
ffor vn-to God, sothly to seye,
Whan Adam fyrst gan dysobeye,
Line 1072
Yt was Ryhtful, by kyndly lawe,
That to [[? fro]] hym shold be with-drawe
All maner [[manere off St.]] obéyssavnce
Off thynges vnder hys gouernaunce,
Line 1076
Wych he hadde in subieccyon,
Only for hys rebellyon.
'And, yiff thow be Resounable,
An exaumple ful notable
Line 1080
I shal vn-to the declare
Openly, & no thyng spare,
Yiff thow lysten, taken hed ther-to: [Exemplum.]
'I suppose yt falleth so:
Line 1084
The kyng hath in hys court a knyht
Whom he loueth with al hys myht,
And, for cause that he tryst hym wel,
He yeveth to [[to, om. St.]] hym a ffayr castel,—
Line 1088
Wallyd strong with hihë tours
ffrom al assaut of wynd & shours,—
And to hys heyrës, to pocessede; [[heyres to possede St., heyrs . . C .]]
And ther-vp-on maketh hem a dede, [folio 19a]
Line 1092
Euere [[Evere affter St.]] by successyon
Ther-of to have pocessyon
ffor eueremorë, to o [[at o St.]] word,
Whyl he ys trewë to hys lord,
Line 1096
Voyde [[And voyde St.]] of al rebellyon.
Thys was the condycion:
But he offendeth, so may falle,
Than he & hys chyldren alle,
Line 1100
The castel lese with-outë grace
Thorgh ther fadrys gret trespace:
The chyldren han the gylt abouht,—
Al-be that they offendyde nouht—
Line 1104
Thorgh ther fadrys gylt, allas;
And thus peraunter stant the cas:
And lyk in cas semblable at al,
Ryhtwysnesse orygynal—
Line 1108
'Orygynal' ys for to seyn
