In thys Ryuer or thys welle.
Line 992
And yet thow most have helpe of me
Yiff thow sholdyst clenë be;
ffor I mot fyrst my syluen dresse
The bathë [[bathe St., bath C.]] halwen, & yblesse,
Line 996
And than yt shal ynowh suffise
To make the clene in allë [[alle St., al C.]] wyse:
ffor the wasshyng mad out-ward
Ys but tookene (who taketh Reward)
Line 1000
Off al clennessë forth with-Inne;
At wych fyrst thow most be-gynne.'
The pylgrym:
"Madamë, so hyt nat dysplese,
I can as yet no thyng in ese,
Line 1004
And I shal tellë yow wher-fore
My dovte [is] [[I doute St.]] now mor than before,
And gretter [[more gretter St.]] in conclusyoun,
But ye make exposicioun,
Line 1008
And bet declare yt to my mynde,
Or ellys my profyt ys be-hynde."
Grace dieu: [[De Iusticia & peccato Originali. Later hand.—St.]]
'ffyrst, whan God the world be-gan,
And after hadde makyd man,
Line 1012
And womman for to be hys fere,
Thy forme fadrys, as thow shalt lere,
God, of hys gret curteysye,
To hem dydë suyche gentrye
Line 1016
As to the I shal devyse.
He gaff to hem so gret ffraunchyse,
Talyved [[To have lived]] euere, thys no lesyng,
In elthe with-outë languysshyng,
Line 1020
Lusty & fressh in o degre,
Neuer tave [[to have]] had necessyte
Off deyyng; and gaff hem in sothnesse, [folio 18a]
Lyberte, & Ryhtwyse [[wyse St., wys C.]] nesse,
Line 1024
ffredam of wyl [[and wylle St.]] & equyte;
And that they sholdë ryghtful be,
And ther-vp-on, ay done her cure
To ben Egal by mesure;
Line 1028
The body to the soule obeye
