'But thys to the ys necessárie,
Line 916
Consydred (shortly to expresse)
The gretë [[grete St., gret C.]] fylth and vnclennesse,
The ordure and the dong also,
Off thylkë hous thow komë fro,
Line 920
Wher .ix. monethes thow hast be.
ffor wych yt nedeth vn-to the [folio 16b]
To wasshe the her, yiff thow take hede,
Thys my consayl & my Red:
Line 924
To passe thys [[thys St., om. C]] Ryuer of clennesse
Yt ys to thee [[the St., om. C.]] most sykernesse.
And al [[eke St.]] I schal the telle A thyng:
Ther passede onys her a kyng,
Line 928
ffyrst assuryng the passage
Vn-to euery maner age;
He made the pas hym sylff alone,
And yet in hem was fylthë [[ffylthe St., fylth C.]] non.
Line 932
To wasshen hym yt was no nede,
But that hym lyst, of lowlyhede,
Schewe example by hys grace
How other folkys sholdë passe
Line 936
Over by the samë went.
Wherfore tel me thyn entent,
Yiff thow thys Ryuer lyst atteyne;
And I shal A-noon ordeyne
Line 940
A sergaunt of myn in specyal;
Wych offycer the helpë shal
ffor to passe the water cler,
And wardeyn ys of the Ryuer.
Line 944
He shal the wasshe, he shal the bathe,
And make the passe the morë [[more St., mor C.]] rathe.
And, to put the out of doute,
He shal crosse the round aboute,
Line 948
Make the sur, as thow shalt se,
ffrom al tempestys of the se,
Tescape the wawe of euery streem,
And make the wynne Ierusaleem
Line 952
By conquest; & fynally—
That thow shalt drede noon emny
Wher so thow wende, Est or West—
