Leffte vp folkys that be falle,
ffrom al mysheff & from al blame,
And Grace dieu, that ys my name,
Line 804
fful nedful in ech contre.
'And by thys dowe wych thow dost se,
Wych I bere with wyngës fayre,
Humble, benygne, & debonayre,
Line 808
I am tookenyd, who lyst seke,
With hyr goodly Eyen meke.
And so thow shalt me call in dede,
Whan thow hast on-to me nede,—
Line 812
And that shal be ful offtë sythe,
That I may my power kythe,—
Telpe [[To help]] the in thy pylgrymage.
ffor fynaly in thy vyage,
Line 816
As thow gost to that cyte,
Thow shalt hawe offte aduersyte,
Gret mescheff and encombraunce,
Empechementys & dysturbaunce,
Line 820
Wych thow mayst nat in no degre
Passe nor endure with-outë me,
Nor that cyte never atteyne,
(Thogh thow euer do thy peyne,)
Line 824
With-oute that I thy guydë be.
'Al-be that in-to that cyte
Thow hast seyn entren meny on,
Nakyd, in-to that cyte gon
Line 828
Somme by ther sotel engyn,
And somme also by cherubin.
But what so euere they koude don, [folio 15a]
Ther was neuer receyved noon
Line 832
(ffor outht [[ought St.]] they koude hem sylff avaunce,)
But only thorgh myn ácqueyntaunce.
Lo, her ys al: avysë the
Yiff thow lyst acqueynted be
Line 836
With me: tel on thy fantasye,
And the trowthë [[Trouthe St., trowth C.]] nat denye.'
The pylgryme:
"Ma dame, for Goddys sake, I praye, [prose cap ix]
Nat to leue me on the weye
Line 840
