She hadde a charbouncle ston,
That Round abowte hyr body shon;
Was noon so reche, [[Ryche St.]] as I was war.
And on hyr brest A nouche she bar,
Line 688
I trowe that nowher was no bet.
And in the Awmaylle ther was sette
Passyngly a rechë [[Riche St.]] sterre,
Wych that cast hys bemys ferre
Line 692
Round abovten al the place,
Ther was swych haboundaunce off grace.
Out of whos bosoom, mylde ynowh,
Ther kam a dowë whyt as snowh,
Line 696
With hys wyngës splayng oute,
Plauynge rovnd hyr hond aboute.
Thys lady, of whom I ha told,
Hadde on hyr hed a crowne of gold,
Line 700
Wrouht of sterrys shene & bryht,
That cast aboute a ful cler lyht.
He was ful myghty, (who taketh hede,)
That sette yt fyrst vp on hyr hed;
Line 704
And made yt ffyrst [[C. ffyrst ffyrst]] by gret Avys
Off gret Richesse and gretë [[grete St., gret C.]] prys. [[8 lines blank in MS. for an Illumination.]]
Thys lady, that I spak of here, [folio 13a]
Was curteys & of noble chere,
Line 708
And wonderly of gret vertu.
And fyrst she gan me to salue
In goodly wyse, axynge of me,
What maner thyng yt myghtë [[myghte St.]] be,
Line 712
Or causë why, I sholde hyr lere,
That I made so hevy chere;
Or why that I was ay wepyng,
ffor lak of eny maner thyng.'
Line 716
Wher-of, when I gan takë hede,
I ffyll yn-to a maner drede,
ffor vnkonnynge and lewdënesse, [[lewdenesse St.]]
That sche, of so gret noblesse,
Line 720
Dysdeynede not in hyr degre
To speke to on so pore as me;
But yiff yt were, so as I gesse,
