By doctryne contemplatyff,
Outward schewyng, as by cher,
Ther love was to hem ful enter,
Line 532
ffovndyd vp-on charyte.
Amongys wych I dedë [[dydde St.]] se
Grete noumbre of thys Iacobins,
Off chanovns, & of Awstynys, [prose page 2]
Line 536
ffolkys ful diuers of maner,
Both temporal & seculer,
Off clerkys & relygyous,
And other ordrys vertuous.
Line 540
Mendyvauntys ful nedy,
That day & nyht wer ryth [[were right St.]] besy
To gedre ffetherys, bryht & shene,
And make hem wynges ffor to fflen. [Facient sibi pennas & volabunt in celum.]
And gan A-noon, with al ther myght,
To soren vp, & take her fflyht
Hih in-to that ffayr cyte.
And hiher vp they dydë ffle,
Line 548
Bove cherubin, that Avngel cler; [folio 10b]
ffor they wer out of hys davnger,
By the techyng, and the doctrine,
And by exaumples ek dyvyne,
Line 552
Wych ther maystres hadde hem tauht,
Wher-by they han the hevene kauht,
And ffounde ther-in gret avauntage
To fforthre hem in ther pylgrymage,
Line 556
And how hem sylff they sholdë guyde.
And vp-on the tother [[that other St.]] syde,
Vnder the wal of the cyte,
I sawh, off gret auctorite,
Line 560
ffolkys, wych dyde entende
To helpe her ffrendys to ascende, [prose page 3]
By ful gret subtylyte,
To make hem entre the cyte;
Line 564
And ther-to dyde her bysy cure,
By scalys throgh the strong closure;
And as me thouhte, A-mong echon,
That Seyn Benet in soth was on. [prose cap iv] [[6 lines blank in MS. for an Illumination.]]
Line 568
