ffor to opne & to shette,
To Receyven and to lette,
Line 492
Pylgrymes that kam on ther weye;
And in hys hond he held a keye,— [Tibi dabo claues regni celorum. Mathei.]
Seyn Peter, me thouht by hys cher,—
That had off God pleyn power [prose page 3]
Line 496
To lete in ffolk wych he knew hable.
But ffyrst they most (thys no ffable,)
Dyspoyllen hem, & nakyd be;
ffor noman entrede that cyte
Line 500
That clothyd was, nor myhte passe,
Wher he mor, or wer he lasse,
Or gret compact [[compact St., compart C.]] in any membre.
And than A-noon I gan Remembre
Line 504
How Cryst sayde, in a certeyn place,
That yt was as hard to passe
In-to the hevene A reche man,—
Lych as he rehersë kan
Line 508
By record off hys gospel,—
As yt was to a kamel [prose cap v]
To passe throgh a nedlys Eye;
Wych ys a thyng (ho kan espye,)
Line 512
As yt were an Inpossible,
And verrayly Incredyble.
Affter [[And affter St.]] -ward (yt ys no ffayll)
Me thouhte I sawh a gret mervayle:
Line 516
Vp-on Tours, dyuers estatys
Off doctours and off [[off St., om. C.]] prelatys,
Showyng, as by contenavnce,
By speche, and by dallyavnce, [folio 10a]
Line 520
Techyng pylgrymës to knowe,
That wer yn the valë lowe,
How, with travayllë & peyne,
And how also they sholde atteyne
Line 524
To make hem wyngës ffor to fle [prose cap:line iv:11]
Hih a-loffte to that cyte,
By wynges of exaumple good,
Yiff they ther lernyng vnderstood,
Line 528
Wych they tauhte hem in ther lyff [[5 lines blank in MS. for an Illumination.]]
