That I myht after, by leyser,
Correcte hyt when the day were cler,
Line 224
By good avys, whan I took kepe,
Bet a-dawed out of my sclepe.
And thys consyderyd euery dele,
Me sempte I haddë do ryht wel,
Line 228
Yiff ther hadde, as tho to me,
ffallë noon contraryouste;
ffor al the wrytyng that I wrote
Was me be-raffte, and how I not,
Line 232
Dyscured [[Stowe]] thurgh the world a brode, [folio 5b]
As God woot wel, and thus yt stood.
Where-of I hadde as tho no shame,
ffor al I hald yt but a game;
Line 236
ffor to that tyme fredam I hadde
To putte away, and eke to adde,
What that me lyst, lyk as I wende.
ffor ther was mychë thyng to mende,
Line 240
To ordeyne, & to correcte,
And bet in order to directe;
ffor many a thyng, yt ys no nay,
Mot be prouyned, & kut a-way,
Line 244
And yshape of newe entaylle,
In ordre dresse hyt, & yraylle,
As doth euery manere whyht,
That wol make a thyng a-ryht.
Line 248
ffor he that bar my dreme a-way,
ffull lytel thouhte (yt ys no nay)
On my profyt in any wyse;
ffor shortly, as I kan devyse,
Line 252
I myghte beter a mendyt yt,
Lyk as God hadde yeve me wyt,
Sool by my sylff, than I may now;
But all ys gone, I wot not how.
Line 256
And eke yt ys so long a-go,
That thys dreem was take me fro,
I haue almost foryete yt al.
But not for-thy, yet I schal
Line 260
Adde, & putte a-way also,
Where-as I se yt be to do;
