Her be-gynneth the prologue of the auctour.
fful ofte hyt happeth [[falleth St.]] in certeyn
Off dremys,—the wych that men ha seyn
I nyhtys,—after, whan they wake,
fful lytel hede ther-of thay take,
Line 188
Tyl effte agayn yt comyth to mynde,
That they the veray trouthë fynde,
Of euery thyng they sawe to-forn.
ffor, of remembrauncë the thorn
Line 192
Pryketh here myndës with hys poynt,
That they hyt se fro poynt to poynt,
And fynde hyt verrayly yn dede,
Thogh a-fore they took noon hede.
Line 196
Be yt of Ioye, be yt of sorow,
fful ofte a-pon the nexte [[nexte St., next C.]] morow
yt ys go clene out off her thouht, [folio 5a]
Ther-of they ha so lytel rouht,
Line 200
Tyl after they a-vyse hem wel;
And then thay fyndyth [[ffynde St.]] yt euerydel,
Dremys that they had a nyhte,
By maner of a dyrked [[dyrk C, Derkede St.]] syhte.
Line 204
But yiff they makë longe delay,
To putte hem forth fro day to day,
Than, [[That St., Than C.]] th[o]rogh foryetelnesse,
Thay kan there-of no thyng expresse,
Line 208
ffor all ys out of myndë go.
And on A tyme hyt happyd so,
ffro Crystys berth a thousand yer,
Thre hondryd, by a-cowntys cler,
Line 212
And over [[read thries]] Ten, as I toke kepe,
Vp-on a nyht I lay & sclepe,
Drempte, (yf ye lyst to lere, [[here St.]] )
A wonder dreme, in tyme yffere.
Line 216
The wych, a-noon as I a-wook
Vp on the morow, a penne I took,
And wrote yt, yff ye lyst to wyte, [[? wete]]
That I schold hyt nat foryete;
Line 220
But freschly yn my mynde yt kepe,
Halff wakyng and halff a-slepe,
