A-geyne whas [[whos St.]] strokë, helpeth no medycyne, [folio 3a]
Salue, tryacle / but grace only dyvyne,
Line 68
ffolk to conveye to ther desyred place:
And many brygaunt the weye doth manace,
No man ys sur hym syluen to diffend;
Wherfore I rede, lat euery whyht a-mend
Line 72
Hys lyff be tyme, whil he hath liberte.
And that folk may the Ryhtë weyë se
Best assuryd to-wardë [[warde St., ward C.]] ther passage,
Lat hem be-holde[n] in the pylgrymage,
Line 76
Which [[Which St., Whch C.]] callyd ys pylgrymage de movnde,
In the wych fful notably ys fovnde,
Lernyd, and tavht, who can well construe,
What folk schal take, & what they schal eschue.
Line 80
In thys book, yf [that] they redë yerne,
Pylgrymës schal the verray trouthë [[trouthe St., trouth C.]] lerne,—
yiff they sette ther trewë dyllygence
To vnderstondë clerly the sentence,—
Line 84
What hyt menyth, & the moralyte;
Ther they may, as in a merovr, se
holsom thynges, & thynges full notable;
What ys prevyd, & what thyng ys dampnable,
Line 88
What ys holsom, the sovlë for to save,
Whan the body ys leyd in hys grave.
And to knowë [[knowe St., know C.]] wych be cyteseyns,
Trewë burgeys, & ekë [[eke St., ek C.]] fraunkeleyns,
Line 92
Wych in good lyff and vertu do excelle,
In Ierusaleem perpetually to duelle,
Whan the Iugge & Lord, that lyveth evere,
In hys doom assovnder shal dysseuere
Line 96
Hys chosë shep, wasshe in the lambys blood,
Wych for mankyndë starff vpon the rood;
And putte the kydës to dampnacion, [folio 3b] [[St. & C.]]
wych ha noon part of Crystys passyon,
Line 100
Endlesly there to lyve in peyne,
Where Lucyffer lyth bovnden in his cheyne.
ffro the wych, God euery man defende,
And grauntë [[graunte St., graunt C,]] gracë, our lyff here to mende,
To-ffor the ffyn of ovrë pylgrymage.
ffor, save hys grace, we ha noon avauntage,
