To schewe fayrest whan [[fayrest whanne St., fayres wham C.]] sche ys most to drede;
Of hyh ne lowh sche taketh noon other hede,
Line 28
ffor wych [let] no man vp-on hyr assure,
ffor sche ys lyke [[lyke St., lyk C.]] to the chavnteplure;
Wo after Ioye & after song wepyng,
Thys hyr cvstom in every maner thyng.
Line 32
In on estate she neuere doth contyune. [folio 2b] [[St.; C. burnt]]
Thys stormy quen, wych callyd ys Fortune [[St. & C.]]
Hyr gyfftys allë in conclusion, [[collusion, St.]] [[C. & St.]]
Be not but gyffytys off confusion. [[C. & St.]]
Line 36
ffor worthynesse in Armes nor vyctórye [[C. & St.]]
Arn in effect but thingës transytórye [[St. & C.]]
Nor hih conquest, nor domynacion, [[St. & C.]]
Peplys to puttë in subieccyon.
Line 40
It al [[It C, Alle St.]] schal passe as doth a somer flovr;
In thys world herë, [[St. here, her C.]] holdyng no soiovr
No thyng abyt, shortly for to wryte, [[St. & C.]]
Good lyff exepte, and only ovr meryte. [[C. & St.]]
Line 44
Trusteth [[Trusterth C.]] ther-for, ye folk of euery age,
That yowre lyff her ys but a pylgrymage;
ffor lyk pylgrymes ye passë to & ffro,
Whos Ioye ys euere meynt A-mong with wo.
Line 48
Al [[A C, Alle St.]] worldly blyssë, medlyd ys with stryff;
ffor ay the cöurs, of thys mortal lyff,
Euerych hovr doth to hys boundys drawe;
To al pylgrymës kynd hath set a lawe,
Line 52
Eche day to Renne a party on ther way;
Oldë [[Olde St., Old C.]] ner yong, ther may no man sey nay,
Lyk a Ryuer sterne, and of gret myght,
Ne restyth nat [[nat St., om. C.]] nouther [by] day nor nyght,
Line 56
To holde hys cours as ledeth hym the streem,
Ryght so, pylgrymes to-ward Ierusaleem
Haste [[Haste on St.]] on her way in thys world, & echone
To-ward that cyte, or to Babylone. [[C. torn]]
Line 60
Lyk ther merytes, & lyk to ther degres,
They be Receyved at on of thys cytees,
Ytakyn innë, [[inne St., in C.]] so as they dysserve;
And deth, ay redy with hys dart to kerue,
Line 64
Lyth in a-wayt, dredful off manacys,
To send palmerys to on off thys placys.
