He nel be felaw bot a while,
Þou salt him leue, oþer he sal þe.
Hit is mi rede, while þou him hast,
Line 61
Þou spen it wel þat helplich be
For god, but þou nelt at þe last,
Oþer men sulle aftir þe.
Nouþe oþer mister-men þer beþ,
Line 65
Þroȝ coueitise hi beþ iblend,
Þat wer leuer wend to þe [þere Ms. þe] deþ
Þan [þen] spene þe gode þat god ham send.
Þoȝ man hit hab, hit nis noȝt his,
Line 69
Hit nis ilend him bot alone
Fort to libbe is lif iwisse
And help þe nedful þat naþ non.
Nou mani wrecche becommiþ þralle,
Line 73
Hi nul noȝt spene, bot ȝime in store;
Becom hi beþ þe deuil is þralle,
Niȝt and dai hi libbiþ [libbeþ] in sore.
For niȝt and dai is al har þoȝte,
Line 77
How hi hit mow hab and winne,
Fast to hold and spene riȝt noȝte,
And lediþ euer har lif in pinne. [Ms. pine (Strich verwischt)]
Þe wrecchis [Ms. wrechis] wringit þe mok so fast,
Line 81
Up ham silf hi nul noȝt spened,
Ȝit hi sul dei at þe last,
And to þe deuil hi sul wend.
Siþ such a wringer goþ to helle [folio 17b]
Line 85
For litil gode þat nis noȝt his,
Whate mai ich bi þe riche man telle
Þat lediþ al is lif in blisse?
Hit is as eþe forto bring
Line 89
A camel in to þe neld is ei
As a rich man to bring
In to þe blisse þat is an hei.
