If þou ert prute, man, of þi fleisse
Line 24
Oþir of þi velle þat is wiþ oute —
Þi fleisse nis naȝte bot worme is meisse;
Of such a þing whi ert þou prute?
Wormis of þi fleisse schul spring, [folio 16b]
Line 29
Þi felle wiþ oute nis bot a sakke,
Ipudrid ful wiþ drit and ding
Þat stinkiþ lolich and is blakke.
Sire, whar of is þe gentilman
Line 33
Of eni oþer þan of þis?
Him silf mei se, if gode he can,
For he sal find þat so hit is.
Þat hit be soþ and noȝt les,
Line 37
Þou loke þi neȝbor: whare and how?
Þou loke in is [his] biriles;
He was prute, as ert þou.
Whate prude saltou [sastou] se þar
Line 41
Bot stench and wormis icrop in dritte?
Of such a siȝt we aȝt be ware
And in vre hert hit hab iwritte.
Silk no sendale nis þer none
Line 45
No bise no no meniuer,
Þer nis no þing aboute þe bone
To ȝeme þat was ihuddid here.
Þe wiked wede þat was abute,
Line 49
Þe wormis hit [þat hit] habbiþ al forsoȝt.
Alas, whar of is man so prute,
Whan al is pride sal turne to noȝte?
If man is prute of world is welle,
Line 53
Ihc hold a fole þat he be;
Hit commiþ, hit goþ, hit nis bot dwelle,
Bot dritte, gile and wanite.
Lo, þat catel nis bot gile, [folio 17]
Line 57
Trewlich ȝe mov isee
