Þe pouer man goþ bifor þe,
Al idriid als a tre,
And grediþ: "louerd, help me,
Hunger [hungre] me hauiþ ibund.
Let me dei pur charite,
Ibroȝt ich am to grund."
So mot i þe and crist ise:
If he dei [die] þat stund,
His lif sal be icrauid of þe,
Þeȝ þou ȝif him no wonde.
I þe rede: rise and wake [awake]
Of þe hori sinne lake.
If þou be þer in itake,
Iwisse þou schalt to helle,
To woni wiþ þe fendis [? fentis, Ms. undeutlich] blake
In þat sorful wille.
Þi wei þou make, [Ms. mak] þou dri þe stake, [stak]
To prest þi sinnes telle;
So wo and wrake sal fram þe rake
Wiþ fendis [d deutlich] grimme and felle.
If in sinne þi liue is ladde,
To do penance ne be noȝt sadde;
Who so doþ, he nis noȝt madde,
As holi churche vs techithe; [Ms. techith']
Þer of be þou noȝt adradde,
Crist sal be þi lech,
Þus Crist us radde, þat rode spradde,
Wiþ a blisful spech.
Whan he so bad, þou miȝt be gladde,
Ne louiþ he no wreche.
Iesu, king of heuen fre, [folio 10]
Euer iblessid mot þou be!
Louerd, i besech þe,
To me þou tak hede;
Fram dedlich sinne þou ȝem me,
