And drawiþ ham on rewe.
Y ne mai no [no fehlt bei Fur.] more of loue done,
Mi pilkoc pisseþ on mi schone,
Vch schenlon [im Ms. glossiert puer] me bischrew.
Mine hed is hore and al forfare,
Ihewid as a grei mare,
Mi bodi wexit lewe. [am Rande glossiert debile]
When i bihold on mi schennen,
Min [Fur. m'in, vielleicht ist besser ein zu ergänzen] dimmiþ al fordwynnen,
Mi frendis waxiþ fewe.
Now i pirtle, i pofte, i poute,
I snurpe, i snobbe, i sneipe on snovte,
Þroȝ kund i comble and kelde.
I lench, i len, on lyme i lasse, [folio 62]
I poke, i pomple, i palle, i passe,
As galliþ gome igeld. [Sinn?]
I riuele, i roxle, i rake, i rouwe,
I clyng, i cluche, i croke, i couwe,
Þus he wol me aweld.
I grunt, i grone, i grenne, i gruche,
I nese, i nappe, i nifle, i nuche,
And al þis wilneþ eld.
I stunt, i stomere, i stomble as sledde,
I blind, i bleri, i bert in bedde,
Such sond is me sent.
I spitte, i spatle, in spech [speche] i sporne,
I werne, i lutle, þer for i murne,
Þus is mi wel iwent.
Ispend and marrit is mi main,
And wold wil ȝuþe aȝayn,
As falc i falow and felde.
I was heordmon, nov am holle,
Al folk of me beþ wel folle; [Sinn?]
Such willing is after elde.
Eld me haþ so hard ihent: [Diese Zeile fehlt bei Wr.]
Seo, how spakly [Ms. wow spakiy] he me spent,
