He þoȝt ordres to make,
What time he miȝt ham take,
Of trauail nas him noȝt.
O konwir þat was king,
His keþerin he gan bring —
Þe maister heet Gilboie —
Riȝt at þe trinite,
Whan hodes sold best be,
To Pers in Totomoye.
And ȝite of oþer store [stoore?, in anderer Tinte übergeschrieben store]
Com Eþe Mac Mal More [Ms. eþemmal|more]
And oþer fale bi name.
Sire Pers lokid vte,
He seei such a rute; [rut]
Him þoȝt, hit nas no game.
Sir Pers sei [ses] ham com,
He receiuid al and som,
Noȝt on iwernd nas;
Siþ hoodis he let make,
Noȝt [Noht] on nas forsake,
Bot al he did ham grace.
Saue o wreche [wrech, Ms. wrech'] þat þer was,
He cuþe noȝt red in place
No [Ne.] sing, whar he com;
He was of Caym is kinne,
And he refusid him;
He wend vnhodid hom.
He þat þis sang let mak
For sir Pers is sake,
Wel wid haþ igo,
Wid whar isoȝt
And god pardon ibroȝt, [iboght Ms. iboȝt.]
Two hundrid daies and mo.
Explicit.
