He tok har heuid to wedde,
And so he taȝt ham plai.
Þos yrismen of þe lond,
Hi swor and tok an hond
Þe englis men to trai,
And seid, hi wold quelle
As fale as ich ȝou telle
Al apon o dai.
Þe erl of Vluester,
Sire Emond þe Botiler,
Sire Ion le fiz Tomas,
Algate [? illgate, Ri Algate] al bi name,
Sire Pers þe Briminghame,
Þis was har compas.
Þis compasment com vte
Fram kniȝt to kniȝt abute,
Hit nas noȝt lang ihidde;
Þos kniȝtis preid al
Þat meschans most ham fal,
Ȝif scape hi ssold þer midde.
And swor bi god is [godis] name
To ȝild þe cuntre pane,
Whan hi miȝt com to.
And þat wiþ vte lette
To certein dai isette
Þis þing ssold be [he] do.
Lang er þis dai was com,
Hit was forȝit wiþ som
Þat neisse beþ to nede.
Alas, what ssold hi [be] [be fehlt im Ms.] ibor!
Þroȝ ham þis lond is ilor
To spille ale and bred.
Sire Pers þe Brimingham, [folio 51b]
On ernist and agam
Þis dai was in is þoȝt; [again]
