Þer nis schepe no swine no gote
No non horwȝ la, god it wote. [wot]
Noþer harace, [harate, Ms. undeutlich] noþer stode,
Line 35
Þe lond is ful of oþer gode.
Nis þer flei, fle no lowse
In cloþ, in toune, bed no house;
Þer nis dunnir, slete no hawle
No non vile worme no snawile
Line 40
No non storme, rein no winde;
Þer nis man no womman blinde.
Ok al is game, Ioi and gle,
Wel is him þat þer mai be.
Þer beþ riuers gret and fine
Line 45
Of oile, melk, honi and wine,
Watir seruiþ þer to no þing,
Bot to siȝt and to waiissing,
Þer is [al] [al fehlt im Ms.] maner frute,
Al is solas and dedute. —
Line 50
Þer is a wel fair abbei
Of white monkes and of grei.
Þer beþ bowris and halles,
Al of pasteiis beþ þe walles,
Of fleis, of fisse and rich met,
Line 55
Þe likfullist þat man mai et.
Fluren cakes beþ þe schingles [scingles] alle
Of cherche, cloister, boure and halle,
Þe pinnes beþ fat podinges,
Rich met to princeȝ and kinges.
Line 60
Man mai þer of et inoȝ,
Al wiþ riȝt and noȝt wiþ woȝ.
Al is commune to ȝung and old,
To stoute and sterne, mek and bold.
Þer is a cloister fair and liȝt,
Line 65
Brod and lang, of sembli siȝt.
Þe pilers of þat cloister [cloistre] alle
Beþ iturned of cristale,
Wiþ har bas [las] and capitale
Of grene Iaspe and rede corale.
Line 70
