Of is gold and is tresure,
Þat he so moch trist to —
Line 87
Loke nou hou he is ago.
Þerfor, man, in alle wise
Ich þe forbede coueitise.
To world is wel nab þou no triste.
Line 91
Hit went awei, so doþ þe miste;
Her it is and her hit nis,
Al so fariþ [fareþ] þe world is blis.
Ne be he neuer so riche,
Line 95
Whan he liþ a cold liche,
If he hauiþ an old clute,
He mai be swiþe prute,
Whar mid ihelid he sal be
Line 99
Þat no man nakid him ise,
Of what he gadred and [an] is was —
Nis þis rewþ, alas, alas!
Þe þrid sin so is onde
Line 103
Þat mochil nuþe is in lond,
And euir hi quemiþ þe fend of helle;
In woch maner, ich wol ȝou tel.
Leue breþerin, herkniþ now,
Line 107
And ich wol ȝou tel, [tell] how!
World is wel falliþ vnliche
And noȝt euch man ilich.
Sum þer beþ þat cun noȝt libbe,
Line 111
Sum þat hauiþ frend is sibbe,
And sum þer beþ þat swinkiþ sore [folio 22b]
Winne catel to hab more,
Ham silf fair to susteni,
Line 115
And euer more hi beþ nedi,
And sum þer beþ, leue broþer,
Þat more haþ þan anoþer
And more loue of gode man.
Line 119
Anoþer wol after þan
Areri cuntake
Hier bricht das Gedicht ab, der Rest der Seite im Ms. ist frei gelassen.
