Nad he no more gilte,
Whar for he was of heuen ipilte.
A litil prude him was in com,
Line 13
Þer for god him hauiþ benome
Heuen blisse þat euer sal last,
And in to helle he is cast.
Þer he sal woni euer more
Line 17
And is prude abigge wel sore.
Alas, man, whi artou [artu] prute?
Whannin commiþ þi fair schrute?
Mid whate þou art ischrid aboute?
Line 21
Noȝte of þe, man, boute doute!
Þine owen schond þou werist an, [? Ms. on (undeutlich)]
Þat heliþ þi fleis and þi bone.
Ich wol þat þou iwit wel,
Line 25
Hit nis bote a hori felle,
Þat is þine owen riȝt wede;
Beþenche þe, man, and hab drede!
Man and womman, vnderstond þis,
Line 29
Betak euch beste his,
Þat ert so fair mid bigon:
Linnin, [linin, Ms. līnin] wollin, glouis and schone;
Þat þou art in hit so prute,
Line 33
Ne sal þe leue neuer a cloute.
Þer for, man, ich þe forbede
Worldlich prude in hert and dede,
And lede þi lif bi god is [Ms. godis] rede
Line 37
To loui god and hab drede,
Þat þou be god is [gode is] sone
And him to queme at þe dome.
Coueitise is þat oþer.
Line 41
Herkne nov, leue broþer!
Þer is mani man bipeiȝte,
So þe fend him hauiþ iteiȝte.
Þe man þat is coueituse,
Line 45
Ne commiþ he neuer to god is huse.
Suche þer beþ al to fele
