And þat he me let so wel to spek,
To dai þe deuil is staf to brek
And wiþ him so to fiȝte;
Þer to, par [Ms. p] charite, ich ȝou crie
A pater noster [Ms. pr nr] and aue Marie
In þe name god of almiȝte.
Þat pees þat is in god is huse
To dai be amangis vse
Þroȝ is holi grace;
Þat me ȝiue [giue] lif and gode ending
And to ȝou ȝiue gode lusting
In þis silue place!
God him silf seiiþ in his gospel: [folio 48b]
Mi leue frendis, ich wol ȝou tel,
Nimiþ to me gome!
O worde ich ȝou lie nelle
Of heuen blis no pine of helle
No of riche dome.
And of þe heuid [herrid] sinnes seuene,
Whar for men lesiþ heuene,
Ich wol ȝou nemeni alle,
And har namis ich wol ȝou teche,
And hou hi wol men bipeche
And make ham to falle.
II.
First at prude ich [i] wol begin,
Line 1
For hit is heuid of al sinne.
Ich hit wol ȝou do to wit,
In holi boke hit is iwrit:
Lucifer þat was so briȝte,
Line 5
Þat fairist was of al wiȝte,
Wiþ oute god in heuen nas
Non so fair als he was,
Nas neuer non so fule ifund,
Line 9
As he in helle liþ ibund; [abund]
