Of þe .X. commandemens;
Whos wold be sauid, ham ssold hold.
Þe first comondement is þis:
Line 33
O god we ssul honuri,
Þe heiȝ king of heuen blis,
His name wiþ wirssip to worþi.
Loue þou him, as he doþ þe,
Line 37
Wiþ al þi miȝt and þi þoȝt;
We auȝt ful wel, for hit was he
Þat vs wrecchis so dere boȝt.
More harm is: we doþ noȝt so,
Line 41
We louid þe ful dritte of grunde.
Alas! wrecchis, whi do we so?
Hit mai noȝt hold vre lif a stunde.
Ȝe [Mä. Ȝe, Ms. ve] beþ hi þe deuil betauȝt
Line 45
Þat liuiþ op goddis mo þan one
And makiþ goddis þroȝ wichcraft;
Þai ssul al to þe deuil gone.
Þe secunde so is þis:
Line 49
Sundai wel þat ȝe holde,
To serue god þilk dai wis,
Boþe ȝung and eke [Ms. ek] olde.
And now þe sundai opunlich
Line 53
Men holt al har cheping;
Wonder þat gode ne sent wreech
Al an erþe vp mankyn.
Þe þrid is: fader, moder to honuri,
Line 57
For [Ms. foȝ.] euch man aȝt ful wel.
Moch ten suffrid hi,
Her hi [So teilt das Ms. ab, Mä. zieht her hi zum vorigen Vers.] miȝt bring þe wrecche to wel.
Hit falliþ bi children þat beþ quede, [folio 32]
Line 61
As fariþ bi been in hiue:
Whan fader ȝuief [So im Ms.] ham londe and leede,
Þe ȝung wol þe old ut driue.
