Hit [was] [Mä. ergänzt was] isene þer scapid non,
Profetis þat god louid al so.
Al in helle were ifast
Line 189
Fort Iesus Crist þroȝ is miȝte
Of þe pit vte he ham cast
And broȝt ham to heuen lyȝt.
Þroȝ is deþ he ouercam,
Line 193
As he is manhed siwed,
As profetis prechid in his name,
So þat he deþ suffrid.
Þo he rose fram deþ to liue,
Line 197
As telliþ Daui þe king,
Is godhed he gan to kiþe;
Holi [holy] boke telliþ is uprising.
Iesus was sikir inoȝ
Line 201
Þat seid erlich "ich wol riȝt me"
And answard [so Mä.; Ms. asnward. Lies aȝenward = wiederum?] wiþ vt woȝ
"After þat deþ ouercom be".
Þe .III. dai he ros to liue,
Line 205
Is lore riuedlich he send,
His deciplis he makid bliþe,
Þer after in þe world ham send.
Of his lore forto preche,
Line 209
Hou hi, lord, ssold siu þe
And þe sinful folk to tech,
Hou meri hit is to wiþ þe be. [so im Ms.]
Þer [An(d), Ms. þ̛] after he steiȝ to heuen aboue,
Line 213
Þer ioi is þat euer lest,
And þer he sal al vs loue [nach Mä. = laben.]
In his swet blisful fest. Amen.
