Hi bede him rede, if he cuþe witte,
Woch of ham al hit was.
He was ibund to a tre
Line 121
And ibet wiþ scurges kene
Þat al þe blode vt gan fle,
Ouer al is bodi hit was sene.
Siþ hi nom him as a þef
Line 125
And lad him bifor Pilate,
For he nas noȝt to ham lef,
Hi had to him grete hate.
Pilat bed ham do har best,
Line 129
Aȝe þe law be he nold;
For no gilt bi him he nist,
War for deþ suffri he ssold.
Hi nailed him in hond and fete,
Line 133
As ȝe mow al ise;
For þe appil þat Adam ete
Deþ he þolid opon þe tre
Þe wikkid men nol[d] leue noȝt
Line 137
Þat he wer fullich ded so,
Fort þer wiþ a sper hi ad him soȝt,
And clef is swet hert atwo.
Þer was in þe lond a kniȝt
Line 141
Þat het Iosep [ȝosep, Ms. iosep] of Arimathie,
Þat louid Iesus wel ariȝt
And þoȝt is [bodi] [bodi Konjektur von Mä., fehlt im Ms] wel to honuri.
He wend to Pilat swiþe snel
Line 145
And besoȝt him mercy,
If hit wer is wil
Þe bodi grant biri.
Þo Pilat had igrant is bone, [luue, Ms. boue]
Line 149
Glade ynoȝ he [ho] was;
He nem þat swet bodi adoun [adun]
And biriid hit in a fair plas.
