A serpent he com þroȝ felonie
And makid Eue chonge hir þoȝt.
Whi com he raþer to Eue
Line 53
Þan he com to Adam?
Ichul ȝou telle, sires, beleue,
For womman is lef euer to man
Womman mai turne man is wille, [folio 30]
Line 57
Whare ȝho wol pilt hir to;
Þat is þe resun and skille
Þat þe deuil [deuyl] com hir first to.
Ette, he seid, of þis appil,
Line 61
If þat þou wolt witti be
Þe [Mä. þou] worþ as witti of miȝt and wille
As god him silf in trinite.
Hi nad bot þat appil iȝette
Line 65
Þat þe sin nas ido;
Glad was þe deuil, wol ȝe iwit,
For þe sorow þat he [Mä. hi] sold to.
Of paradis hi wer ute pilt
Line 69
Wiþ trauail har liuelode to winne
And vte flemid for har gilt
And neuer efte paradis to com inne.
In þe vale of Eboir
Line 73
His liuelod he most swink sore;
Wiþ sorow and care and dreri won
He liued .IX.C. ȝer and more.
Aftir is lif he had here,
Line 77
Nedis he most wend to helle,
For þe trepas þat he did here
Þer [þere, Ms. þ̛] he most bide and dwelle.
God makid mankin more,
Line 81
Ok to helle þe deuil ham broȝt
And [þat, Ms. χ = and?] euir ham traiid þroȝ is lore,
Non fram him scapid noȝt.
