Þat þan sal quake seraphin
And cherubin, þat beþ angles two.
Þer nis in heuen angil iwis
Line 153
Þat to oþer sal hab spech,
So sore iworþ adrad iwis
Of Iesus Crist is gremful [Ms. gemful] wreche.
Al þe fendis þat beþ in hel,
Line 157
Wiþ grete din hi wol com þan,
Har mone þou salt hire ful wel,
Hou hi sul cri to god and man.
O, man and womman, þou take hede,
Line 161
Hou þe fentis sul men har mone,
Wel aȝtist þe fair to lede,
Wile þou art in þis wreche wone.
Vp Iesu Crist hi sul cri
Line 165
Wiþ such a steuen of pine and wo
"Louerd, ȝif vs ur herbe[r]gi, [lies herbergi (Mä.), Ms. herbegi]
Aȝe to helle let us neuer go.
Þe .XI. dai fure windis sul rise,
Line 169
And þe reinbow þan sal fal,
Þat al þe fentis sal of agris
And be ifesid in to helle.
For wolny nulni hi sul fle
Line 173
And þat in to þe pine of helle,
Maugrei ham þer hi mot be
Wiþ duble pine þer in to dwel.
Þe .XII. dai þe fure elemens sul cri
Line 177
Al in one heiȝ steuene:
Merci Iesus, fiȝ Mari,
As þou ert god and king of heuene. [Hier bricht das Gedicht, das im Ms. bis unten auf die Seite reicht, ab. Es sind hier also offenbar Blätter ausgefallen.]
