Al þe see sal [Ms. sel?] draw ifere,
Line 117
As a walle to stond upriȝt,
And al þos watris þat beþ here
Sal cri [crie, Ms. ci] merci up god almiȝt.
Þe fissis þat beþ þer in iwroȝt —
Line 121
Þe see so hard sal ham todriue
Þat hi wol wene in her [her im Ms.] þoȝt
Þat god of heuen nis noȝt aliue.
Þan þe see sal draw aȝe
Line 125
Into þe stid, þer hit was,
And euch uerisse watir þan sal he
Becom to is owin [owni] plas.
Þe .IX. tokin sal be þus,
Line 129
Þe wonderis þat worþ þilk dai
Ouer al þat oþer sal deuers,
Wate hit is ich ȝow tel mai.
Þe holi man telliþ, seint Austin,
Line 133
Þat þe skeis so sal spec þan,
Wan al þing so sal hab fine,
In steuen, as hit wer man.
Hi sul grede lude wiþ al
Line 137
In uois of man up god to cri,
As heuen and erþe sold to-fal:
God and man, nouþ merci.
Louerd, merci of miȝt,
Line 141
Nouþ is al ur time ispend,
For sinful man is ein siȝt
Ne let us neuer ben ischend.
Þer nis no seint in heuen abow
Line 145
In al god is ferred,
Þat þer of ne sal amoue
And of þilk tokin be aferd.
Þus vs telliþ seint leronime
Line 149
And seint Gregori al so
