Niȝt and dai we aȝt sore quake,
Whan we it sold þench in ure þoȝt.
Þe sixte dai ne lef ich noȝt,
Line 85
Wan þes montis and þes hille —
Al for soþ hit wurþ ibroȝt
Þes depe dalis forto fille.
Þer nis castel no ture none
Line 89
þat euer was no be salle,
Imakid was of lime and ston
Þat ne sal adun to-falle.
No no tre in erþ so fast
Line 93
Mid al har rotis so fast ipiȝt,
Þat ne sal adun to-berst
Þilk silue dai, er hit be niȝt.
Þe sefþe dai hi [Ms. hit] sal grow aȝe,
Line 97
Har crop adun, har rote an hei.
Such wondris we sul ise,
For god is wreþ þat sit an hei.
Þe tren [iren, Mä. tren] sul blede, a wonder þing,
Line 101
Þe þing þat bodi no flesse naþ non,
For dred of þe heuen king
Vnkundlich þing ded sal don.
Þan sal dei boþe pouer [poure, Ms. poư] and riche,
Line 105
Ne sal þan þer wiþstond no þing,
Al we sul ben ilich,
Boþe kniȝt and barun, erl and king.
Ne sal þer help castel no ture, [folio 21b]
Line 109
Palfrei, chasur no no stede,
No for al is moch honour, [honoure]
Þat he ne worþ wel sone dede.
Þe eiȝt dai so is dotus,
Line 113
And þat ful wel þou salt se,
Ful of tene and angus
Al þis dai so sal be.
