Bot as bestis þat wer wode
Line 49
Aȝe oþir to erne, her and þare;
Forþi hi ne sul can no gode,
See no lond hi ne sul spare.
Þan þe dede up sal arise,
Line 53
Up har biriles forto sitte,
Of þilk dai hi sul agrise
And lok as bestis þat cun no witte.
Þe þrid dai þan amorow
Line 57
Grisful hit sal be to loke
Of moch weping and of sorow,
As we fint in holi boke.
Þe sone þat nov schiniþ so briȝt
Line 61
Þilk dai þou salt ise,
Wel grene and wan sal be is liȝt,
And þat for dred so hit sal be.
Abute þe time of middai
Line 65
He worþ as blak as þe cole,
We mov sigge wailawai,
Moch is þe pine þat we sul þole.
Þe ferþ dai þat silf son
Line 69
Worþ as rede, as hit wer fire,
For ferd of dome, þat he [Ms. he dazwischen geklemmt] sold come
Bifor Iesus, þe heiȝ sire.
Þe fifte tokning þat sal befal,
Line 73
Þat allirkin maner beste
Wel sore hi sul quak [quake] wiþ al,
Wil þat ilk dai sal lest.
Towar[d] [Ms. to war] heuen behold sul hi
Line 77
Wiþ har mund and wiþ har þoȝt
Of Iesu Crist merci to cri,
Þoȝ þat hi ne mou spek riȝt noȝt.
Alas, louerd, wat sul we tak,
Line 81
We þat abbiþ sin iwroȝt?
