Hit is a ioi þat fallit to man,
Of hel pine he ne dar drede.
Þe man þat mai to heuen com, [folio 19b]
Line 197
Þe swete solas forto se,
Seue siþis [heue siþ is, Ms. heuesi þ is (Mä. Seue siþis)] briȝtir þan þe sun
In heuen sal man is soule be.
His bodi sal þer be al so
Line 201
So fair and strang, ȝe mou wel leue,
Iuil is euer fur him fro,
Þer nis no þing þat him sal greue.
To met no drink þer nis no nede,
Line 205
No for no hungir he ne [no] sal kar —
Þe siȝte of god him sal fede,
Hit is wel miri to woni þar.
Þer beþ woningis mani and fale,
Line 209
Gode and betir, tak god hede;
Þe last word bint þe tale;
Wo best mai do, best is his mede.
Heuen is heiȝ, boþe lange and wide,
Line 213
Mani angles þer beþ an,
Boþe ioi and blis in euch side,
Þer in sal woni gode cristin man.
Þe lest ioi þat þer is in:
Line 217
A man sal know is owin frend,
Is wif, is fader and al is kin,
Of al þis ioi þer nis non end.
We sul se oure leuedi briȝte
Line 221
So fulle of loue, ioi and blisse,
Þat of hir neb sal spring þe liȝte,
In to oure hert þat ioi iwisse.
Þe siȝte of þe trinite, [folio 20]
Line 225
Þe mest ioi þat mai befalle,
Boþe god and man in mageste,
Þe heiȝ king aboue vs alle.
