What is þe gode þat he sal hab,
Line 161
Oute of þis world whan he sal go?
A wikid wede — whi sold i gab? —
For he ne broȝt wiþ him no mo.
Riȝt as he com, he sal wend
Line 165
In wo and pine and pouerte;
Takiþ gode hede, men, to ȝur end,
For as i sigge, so hit sal be.
I note, whar of is man so prute [folio 19]
Line 169
Of erþe, axin, fel and bone,
For be þe soule enis oute,
A uilir caraing nis þer non.
Mani man þenchit on is þoȝt,
Line 173
He nel noȝt leue his eir al bare,
His eir sal fail and ber riȝt noȝte
And wast þe gode wel widewhare.
Ich warne þe, for isold hit sal,
Line 177
Al þat þou wan here wiþ pine,
A broþin eir sal wast it al
And be al oþeris þat was þine.
Nouþ siþ þat þe world nis noȝt [Ms. nåȝt]
Line 181
And catel nis bot vanite,
Haue [we] [Mä. schiebt we ein, das im Ms. fehlt] god in ur þoȝt
And of þe catel be we fre.
Anouriþ god and holi chirch
Line 185
And helpiþ þai þat habiþ nede,
So god is wil we sul wirch,
Þe ioi of heuen hab to mede.
What is þe ioi þat man sal hab,
Line 189
If his lif he speniþ wel?
Soþ to sigge and noȝt to gab,
Þer nis no tunge þat hit mai tel.
If i sal tel al þat i can,
Line 193
In holi boke as we can rede —
