For ich wl blow, þe fire sal berne
Vp sinful man þat haþ misdo".
Heuen and erþe sal crie and grede,
Line 129
And helle sal berne, þou salt ise.
O! sinful man, wo worþ þi rede,
Whan al þis wrech sal be for þe.
Hit is so grisful forto loke
Line 133
And forto hir þe bittir dome;
Angles sul quake, so seiþ þe boke [Ms. bok]
And þat þou hirist of[te] [Ms. of] and lome.
Sei, sinful man, whi neltou leue
Line 137
Þat al þing sal com to hepe?
Wel aȝt þi hert þroȝ-ute cleue,
Þin eiine blodi teris wepe.
Hit is to late, whan þou ert þare, [folio 18b]
Line 141
To crie "Iesu þin ore";
While þou ert here, be wel iware,
Vndo þin hert and liue is lore.
Vndo þin hert þat is iloke
Line 145
Wiþ couetise and prvde þer an,
And þench þos wordis her ispoke,
Forȝite ham noȝt, ac þench apan.
And bot þou nelt þench her apan
Line 149
Fort vnderfong gode lore,
Iwis for soþ, as þou ert man,
Þou salt hit rew bitter and sore.
Man is lif nis bot a schade,
Line 153
Nov he is and nov he nis;
Loke hou he mei be glade,
Þoȝ al þis world miȝt be his.
Wold he þench, þe vnseli man,
Line 157
In to þis world whate he broȝte —
A stinkind felle ilappid þer an,
Wel litil bettir þan riȝt noȝt.
