Þeiȝ man be rich of lond and lede
Line 93
And holdiþ festis ofte and lome,
Hit nis no doute, he sal be dede
To ȝeld recning at þe dome.
Ȝe sulle we ȝiue acuntis
Line 97
Of al þat we habbiþ ibe here,
Ȝe, of a verþing, soþ iwisse,
Of al þi time fram ȝer to ȝere.
And bot þou hit hab ispend ariȝte,
Line 101
Þe gode þat god þe haþ ilend,
Of Iesus Criste þou lesist þe siȝt,
To helle pine þou worþe isend.
Of helle pine we aȝt be ware
Line 105
And euer more hit hab in þoȝt,
Ac non nel be oþer iware,
For [Mä. fort] ham silf be in ibroȝt.
Þeiȝ freris prech of heuen and helle,
Line 109
Of ioi and pine to mani man,
Al [Im Ms. am Rande steht: a tale] þat him þenchit bot dwelle,
As men telliþ of Wlonchargan.
Ak ȝite þat ilk dai sal be, [folio 18]
Line 113
Þer nis non þat nold him hide,
So sore we sul drede to se
Þe wondis of Iesus Crist is side.
His hondes, is fete sul ren of blode,
Line 117
Þou woldist fle, þou ne miȝt noȝ[t] [Ms. noȝ] þan,
Þe sper, þe nailes and þe rode
Sal crie: "tak wrech of sinful man".
Þe erþe, þe watir þan sal sprede,
Line 121
Route and driue al forwode:
"Nov Iesus Crist, we sul þe wrekke
Of sinful man þat sadde þi blode".
Boþe fire and wind lude sal crie:
Line 125
"Louerd nov let vs go to,
