children to ben his prestes in þe tabernacle, to offren sacri|fyces to heryynge [herynge P.] of hure God, & also for þe peples synne. & þuse children of Leui, & princypallyche þe prestes, weren ordeyned to teche þe pepel þe cerymonyes of Godes lawe; & whan Moyses had y-tauȝt þe pepel þe domes of Godes lawe, God bede [bad P.] hym come in-to þe hul aȝeyn to hym, & he wolde ȝefen hym two tables of ston & his lawe & his maunde|mentes þat he schulde teche þe children of Israel. & Moyses wente up into þe hul, & was þere fourty dayes & fourty nyȝtys; & lerned Godes lawe; & lerned how he schulde make a tabernacle to heryen ynne hure God, and how þe prestes schulden ben a-rayed whan þei schulden do [om. P.] sacryfyce to hure God, and how [S folio 8] þei schulden be[n] [n effaced, S. ben P.] y-maad prestes; also what manere auter þei schulden don [om. P.] onne hure sacry|fyce."
"And whan þe pepel seyȝ þat Moyses was longe [P folio 9] in þe hul, þei comen to Aaron his broþer & seyden, 'Ryse up, & make to ous goddus þat gon by-fore ous; for we ne weteþ noȝt what is byfalle to Moyses þat brouȝte us out of Egypt.' Þo Aaron toke gold & þrew it in-to þe fuyr; & whan it was y-molten [molten P.] , þei casten it in-to a forme & maden þer-offe þe lyknes of a calf. & þo þei seyden, 'Þis is þi God, Israel, þat broȝte þe out of Egypt'; & heryed þis calf as for hure God. Þo seyde God to Moyses, 'Go doun, for þi peple haþ y-synned, & beþ go from þe weye þat þou tauȝtest hem. For þei han y-maad hem a calf to hure god, & to hym þei don sacryfyce & seyen, Israel, þis beþ þi goddus þat broȝte þe [om. P.] out of Egypt. Suffre me þat y take vengaunce up-on hem in þis desert.' Þo Moyses preyede to God þat he ne toke non [no P.] suche veniaunce on his pepel, lest þe men of Egypt wolden seye þat he [om. P.] had y-lad hem in-to hulles to slen hem þere and distruye hem. & so God was y-plesed by Moyses preyere; & Moyses wente adoun wiþ þe tables in his honde þat God had y-wryten in his ten hestes. & whan he seyȝ how þe pepel songen & maden muche myrþe byfore þe calf of go[l]d [god S. P.] , for wraþþe he þrew þe [S folio 8b] two tables out of his hond
