by-fore Pharao, þat non oþer god ne myȝte do to schewen his myȝt; & afterward he ladde hem out of Egypt by a wylder|nesse, & bede [bad P.] hem þei ne schulde noȝt dreden [S folio 6b] hure ene|myes: For he wolde fyȝte for hem aȝeyn hure enemyes. & so Pharao was wroþ þat þe children of Israel were passed out of his seruyse, & toke his [h]oste [h erased before the o, S. hoste P.] , & pursuede Godes pepel in-to desert to hafe y-brouȝt hem aȝeyn in-to Egypt. & þo God lad his puple ofer þe see wiþ-outen schyp, for he made hem a weye in þe see, & made þe watyr in boþe half of hem stonden upryȝt as walles: & þei passeden ofer drye. & Pharao come after hem þe same weye, & was [he was P.] adreynt in þe see & al his ost wiþ hym."
"And þo he ladde hem in [into P.] desert, & ȝaf hem a lawe by Moyses his seruaunt; & he wrote hym-selfe ten hestes of his lawe in twey tables of ston, in tokenynge þat his puples hertes were þat tyme hard as stonys. Þis lawe was a lawe of drede, to techen hem dreden hym ofer alle oþere þinges; & he [om. P.] bede [bad P.] hem kepen his lawe whan þei comen in-to hure cuntray þat he hade by-hoten [P folio 7b] sumtyme, for he fonde hym a trewe serfaunt. & ȝef [om. P.] þei kepten his hestes, he byhyȝte hem þat alle hure enemyes on eferych syde schulden drede hem & be serfauntes to hem. He bede [bad P.] hem þat þei schulden not drede þe power of hure enemyes, for he hym-self wolde fyȝte fore hem & ben chefenteyn of hure ost. & so God lade hem in-to þe lond of byhest. Þus þoroȝ an argument of loue God almyȝty þoroȝ hys myȝt delyferyd his pepel out of bodylyche þraldom, & brouȝte hem in-to a plenteuous cuntray of alle þynge þat hem neded to hure bodylyche lyflode. And [S folio 7] so nedilyche y þat am his serfaunt & þi broþer mot graunte þyn argument of loue, & parforme þyn axynges by my power: For þi loue haþ ouercome my resoun. & þerfore axe nouþe [nouȝ P.] what þou wylt."
"Broþer, y þanke ȝou of ȝoure goode wylle, and God contynue ȝou þerynne [you therein repeated in the margin in a XVIth century hand, S.] & encrece ȝoure connynge to answere
