A fourteenth century English Biblical version, edited by Anna C. Paues ...

haue him axsyd. [verse 16] He þat wote þat his broþur synneþ synne þat is not to þe deeþ, axse for him, & God schal ȝeue lyfe to him þat synneþ not to þe deeþ. Soþly þer is synne vn-to þe deeþ (þat is, euere contynuynge in sȳnne, & endynge in dispeyre, þat is, wanhope) [Underlined.] : none, I sey, prey for him. [verse 17] Eche wickednesse is synne, & it is synne vn-to þe deeþ. [verse 18] We knowe þat eche þat is bore of God (or, þorow God) [Underlined.] ne synneþ not—þat is, wilfully in deedly synne—but getynge kepeþ him, & þe wicked toucheþ hym [folio 77b] not (þat is, þe yuel spirite ouercomeþ him noȝt) [Underlined.] . [verse 19] We wote þat of God we beþ bore, & alle þe worlde is putte in wickednes. [verse 20] & we wote þat Godes Sone come & ȝaf us witte to knowe verrey God, & þat we be in his verrey Sone, Iesu Criste. He þis is verrey God & lyfe euere-lastynge. [verse 21] My children, kepeþ ȝow fro mawmetrye (and symulacris) [Underlined.] .