[verse 37] Soþly ȝoure worde schal be, ȝe, ȝe; or nay, nay; soþly what so is more þan þis, it is of yuel. [verse 38] Ȝe hafe herd þat it was seyd, Eyȝe for eyȝe, & a toþ for a toþ (þat is to seye, a man schulde be punysched in þe same membre in þe whuche he disseyfede [verse 39] his neyȝebores) [gloss underlined, S.P.] : but soþly I sey to ȝow nouȝt to [om. P.] wiþstonde þe yuel: but whoso smyteþ þee in þe ryȝt cheke, ȝif to hym þe [þ t P.] toþer. [verse 40] & whoso wyle stryue wiþ þee in þe dome, & take fro þee þi kote, lefe þou to hym also þi palle. [verse 41] & whoso angreþ þee a þousande paas, go wiþ hym oþer two þousande. And whoso wyle borowe of þee, ne turne þou not awey. [verse 42] , [verse 43] Ȝe hafe herd þat it was tolde to olde men, Þou schalt loue þi frend, & þou schalt hate þin enemy. [verse 44] But [S folio 138b] soþly I sey to ȝow, Loue ȝe ȝowre enemyes, do ȝe good to hem þat haten ȝow, & [verse 45] preye ȝe for hem þat purswen ȝow, & chalange ȝow falsly; þat ȝe [om. P.] be þe sones of ȝoure Fadir þat is in heuene, þat makeþ his sunne sprynge on goode men & yuele, & reyneþ up-on iuste men & vniuste. [verse 46] For if ȝe louen hem þat loueþ ȝow, what meede schal ȝe haue? siþ puplycans don þus. [verse 47] & if ȝe greten only ȝoure breþeren, what schal ȝe do more? Ne don not heþene men þus? [verse 48] Þerfore be ȝe parfyte, as ȝoure Fadur of heuene is parfyte.
[verse 1] & take ȝe heede þat ȝe do not ȝoure ryȝtwysnesse byfore men, to be seyn of hem: for elles schal ȝe haue no mede at ȝoure Fadir þat is in heuene. [verse 2] And þerfore whan þou dost þyn almes, nele þou not trumpe byfore þee, as ypocritys don in synagoges & stretis, for-to be wor|schuped of men. Soþly I sey to ȝow, Þei haue resseyuyd here mede. [verse 3] But whan þou dost þyn almes, loke þi lyft syde [verse 4] wyte noȝt what þi ryȝt syde doþ: þat þyn almes be in hyd: & þi Fader þat seþ in hyd schal ȝeue þee hyre [mede P.] .
[verse 5] And [new paragraph with initial, S.P.] whan ȝe preyȝen, ȝee schal not ben as ypocrytys, þat louen to stonde in churches & in kornerys of stretys to preyȝe, for-to ben seyn holy [underlined, S.] of men. Soþly I sey to ȝow, Þese men han resceyued here mede. [verse 6] But þou, whan þou schalt preye, entre in-to þi couche, & schytt þe dore, & pray þy Fader, and þy Fader þat seeþ in hyd schal ȝelde þee þi meede. [verse 7] Soþly ȝe prayenge wele ȝe not speke mychyl, as
