in-to penawnce: soþly he þat is for-to come after me is [D folio 4b] stal-worþere þan I, whoos [whas D.] schoo I am not worþi to bere [crossed out, with vnbynde in marg. in a later hand, S. vnbynde P.] : [verse 12] soþly he schal baptyze ȝow in þe Holy Gost & in fyre: whos [whas D.] wyndel [crossed through, with wynnwe in marg. in a later hand, S. wynuwe P.] is in his honde, & he [om. P.] schal clense fully his korne; & he schal gedere his korne in-to his berne, & soþly þe chaff he schal brenne in a fyre þat may not be slekked. [verse 13] Þanne come Iesus fro Galyle in-to Iordan to Ion, þat he schulde be baptyzed of hym. [verse 14] Soþly Ion forbeed hym, seyenge, I fel to be baptyzed of þee, & þou comest to me? [verse 15] Soþly Iesus ansuerynge seyde to hym, Suffre now: for on þis manere it bysemeþ us for-to fulfylle al ryȝtwysnesse. Þan he lyte hym (or [lyte hym or crossed through, S. om. P.] , suffred hym). [verse 16] Soþly Iesus baptyzed wente soone up fro þe water: & lo, þe heuenes were opene, & he saw þe Spiryte [verse 17] of God comynge down as a doufe upon hym; & lo, a voyce of heuene seyenge, Þis is my Sone wel loued, in whom I am wel plesed.
[verse 1] Þanne Iesus was led in-to desert þorow a spiryte þere he schulde be temptyd of þe deuel. [verse 2] And whanne he had fastyd fourty dayes & fourty nyȝtys, afterward he hungred [D folio 5] . [verse 3] & þe temptere comynge to hym seyde to hym, If þou art Godes sone, sey þat þise stones be maade loues. [verse 4] Crist answerynge seyde, It is wryte þat not onlyche in [S folio 136] breed lyueþ man, but in eche word þat comeþ of Godes mouþ. [verse 5] Þan þe fende toke hym in-to þe holy cyte; & putte hym aboue þe [verse 6] penacle of þe temple, & seyde to Crist, If þou art Godes sone, send [þ t he schulde make D, in S. crossed through with send in marg., in a later hand.] þy-self [hymself D., corrected to þyself, S.] adowne [a on erasure, S. downe D.] : soþly it is wryte of þee, for God bad his aungelys of Crist to kepe þe [on erasure, S. him D.] in here hondys, as in awntyr þou herte þi foot to þe stone. [verse 7] Iesus seyde to hym, Eft it is wryte, Þou schalt not tempte þe Lord þi God. [verse 8] Eft þe fend toke hym in-to a ful hyȝ hille, & he schewed to hym [verse 9] alle þe kyngdomes of þe worlde, & þe ioye of hem; & seyde to hym, Alle þese þinges I schal ȝeue þee [to þee D.] , ȝif þou falle & loute [to] [P] me. [verse 10] And þanne seyde Iesus to þe fend, Go
