sche [ȝhe P.] wolde not be comfortyd for þei were noȝt (quic) [underlined, S.P.D.] . [verse 19] Þus whan Herode [D folio 3b] was deed, loo, an aungel of oure Lord appered [verse 20] to Ioseph in sleep in Egypt, seyenge, Ryse & take þe chyld & þe moder of hym, & go in-to þe lond of Israel: for soþly þei beþ deed [S folio 135] þat souȝte þe chyldes lyf. [verse 21] & Ioseph roos & toke þe chyld & his moder, & he come into þe lond of Israel. [verse 22] Soþly he herynge þat Archelaus [archelanus S.P. n expunged, S.] regned in þe Iude for Herode his fadir, he dredde for hym to go þider. & Ioseph was amonestyd in his sleep by an aungel how he schulde go [verse 23] in-to þe partys (þat is, to þe cuntrey) of Galyle, & come & duellyd in a cytee þe whuche is called Nazareth: þat þat þing schulde be fulfylde þat was seyd by þe prophetys, For|soþe, he schal be called Nazarene (þat is to seye, holy).
[verse 1] Soþly [C m 3 m in marg. S. C m 3 D.] in þo dayes Ion baptist come, prechynge in þe [verse 2] wyldernes (or, in þe desert) of þe Iewrye, & seyenge, Do ȝe penawnce; for soþly þe kyngdom of heuene schal come nyȝ. [verse 3] Soþly þis is he of whom it was seyd by Ysaye þe prophete, seyenge, A voyce of a cryere in wildernesse, make ȝe redy þe weye of oure Lord. Make [D folio 4] ȝe ryȝt stretis [þe str. D.] (or elles, streyȝte þe weyes) of hym. [verse 4] Soþly he Ion had cloþinge of þe heer of camels, & a gyrdil of a skyn aboute his lendes; soþly his mete [te above the line, S.] was hony-sokkles & hony of þe wode. [verse 5] Þan wente out to hym Ierusalem, & al þe Iewry, & al þe cuntrey aboute [verse 6] Iurdane; & þei were baptyzed of hym in Iordan, schryuynge here synnys. [verse 7] Soþly he seynge many of þe Pharysees & of þe Saduceus comynge to þe baptem, he seyde to hem, Ȝe kynredes of þe nedderis, who schewyd to ȝow for-to fle fro þe wraþþe þat is for-to come? [verse 8] Do ȝe worþi fruyte of penawnce: [verse 9] & wyle ȝe not sey wiþinne ȝoure-self (þat is, in ȝoure hertys), We haue a fader Abraham: soþly [S folio 135b] I sey to ȝow, þat God is myȝty of þise stonys to rere [rere up P.] þe sones of Abraham. [verse 10] Soþly now þe ax is sett to þe rote of þe tree: þerfore eche tree þe whuche makeþ not good fruyt it schal be kutt downe, & it schal be sent in-to þe fyre. [verse 11] For-soþe I baptyze ȝow in water
