A fourteenth century English Biblical version, edited by Anna C. Paues ...

Melchisedekes order, & noȝt ben y-sayd of þe order of Aaron? [verse 12] For ȝef þe presthode be y-translated, it mot nede ben þat þer be y-mad a translacyoun of þe lawe. [verse 13] For in hym of whom þese þinges beþ y-sayd it is of an-oþer kynrede, of þe whuche kynrede þer ne was non ordeyned to þe auter. [verse 14] For it is open y-knowe þat oure Lord was y-boren of þe kynrede of Iuda; in þe whuche [om. P.] kynrede Moyses spak no þing of prestes. [verse 15] And ȝet furþer-more it is openlyche y-knowe þat, ȝef þer is a-rysen up an-oþer prest aftur þe lyknesse of Melchysedech, [verse 16] þat ne is noȝt y-mad after þe lawe of þe fleschlyche comaunde|ment, bote aftur þe vertu of a lyf þat may not ben vndon. [verse 17] For he bereþ wytnesse, Þat þou art an eferlastynge prest aftur þe order of Melchisedech. [verse 18] Þanne is þe raþere comaunde|ment [verse 19] reprefed for his infirmyte & his vnprofytabelnesse: for þe lawe brouȝte no man to perfeccyoun. Bote þer is a [S folio 68] bryngynge in of a betur hope, by þe whuche we neyȝlacheþ to God. [verse 20] In as muche as it ne is noȝt wiþ-outen a gret oþ—for [verse 21] þe oþer weren y-mad prestes wiþ-outen a gret swerynge [P folio 78b] bote þes was wiþ a gret swerynge by hym þat sayde to hym, Oure [verse 22] Lord haþ ysworen & it ne [om. P.] schal noȝt a-þinken hym, Þou art an euerlastynge prest—& in so muche Iesu Crist is y-made a byhoter of a beter testement. [verse 23] And þe oþer weren y-mad many prestes, for as muche as þoroȝ deþ þei weren forboden [verse 24] to dwellen efermore stille: bote þes, in þat he dwelleþ efer|more, [verse 25] he haþ an eferlastynge presthode. Wherfore he may efermore safen, neyȝenge by hym-selfen to God, & lyfynge efermore to byseche God for ous. [verse 26] For it by-semed þat oure byschop were [wery P.] holy, innocent, im-pollut, departed from synful [verse 27] men, & y-mad heyȝer þan hefnes; þat haþ no nede eferich day, as oþer prestes, furst to offren for hure owne gyltes sacryfyces & seþþe for þe pepel: for þat he dude ones, offrynge hym-self. [verse 28] And þe lawe ordeyneþ men to ben prestes, þat habbeþ infyrmyte; bote þe word of þe grete swerynge, þat is aftur þe lawe, ordeyneþ þe sone þat is efermore parfyt [quod (erasure of two or three letters) peuytt follows in a XVIth century hand; the same name occurs on ff. 67, 69, 71b, 73b, 75b, S.] .