& þei þat beþ y-halewed, alle þei beþ of [om. P.] on; for whuche enchesoun he ne is noȝt a-schamed to clepen hem his [verse 12] breþeren, seyenge, Y wol telle þi name to my breþeren, & in þe myddel of þe [om. P.] churche y wole [S folio 64] herye þe. & eftsones, Y [y wele haue trust...eftsones added in a later hand, P.] wole haue turst in hym. [verse 13] & eftsones, Lo y & my chyldren þat God haþ y-ȝefe me. [verse 14] And þerfore for chyldren han y-comuned to his flesch & his blod, he haþ also y-parted wiþ hem; þat þoroȝ deþ he wole distroyen hym þat hade þe [verse 15] empyre of deþ, þat is, þe defel; & wolde delyueren hem þat in drede of deþ by al hure lyf weren [P folio 74] soget to þraldom. [verse 16] For nowȝere he toke aungeles, bote he toke þe sed of Abraham. [verse 17] Wherfore he owed by alle þinges to ben y-lekened to breþeren, þat he were y-mad mercyful & a trewe byschop to-fore God, to forȝefen his pepel hure synnes. [verse 18] For in þat he suffred & was y-temptyd, he is myȝty to helpen þilke þat beþ y-tempted.
[verse 1] Wherfore, ȝe holy breþeren þat beþ partyneres of an hefenlyche clepynge, byholde ȝe þe apostul & þe byschop [verse 2] of ȝoure knowlechynge, Iesus, þat is trewe to hym þat made hym, as Moyses was in al his hous. [verse 3] Bote þes is worþi to muche more worschupe þan Moyses, as muche more as he is worþi þat makeþ an hous [Bous, error for Hous, repeated in the margin, 1st corr. S.] þan þe hous. [verse 4] For eferich hous is y-buld of sum man; bote he þat made alle þinges he is God. [verse 5] & Moyses was trewe in al his hous as a serfaunt, in witnesse of þilke þinges þat weren to seyen þer-aftur. [verse 6] Bote Crist is as a sone in his hous; whyche hous we beþ, ȝef it so be þat we holden oure trust & þe ioye of oure hope sadlyche to þe ende. [verse 7] Wherfore þe Holy Spiryt saiþ, To day ȝef ȝee [verse 8] hereþ his voyce, ne harde ȝe noȝt ȝoure hertes, after [S folio 64b] þe day of temptacyoun, þat ȝoure fadrus tempteden [P folio 74b] [e in the margin, S.] me in desert, [verse 9] where þei prefeden me and syen my werkes fourty ȝeres. [verse 10] Wherfore ich was wroþ to þis generacyoun, & y seyde, Þese erreþ efermore in hure herte: bote þei knewen noȝt my [verse 11] weyes; & y swor to hem in my wraþþe, þat þei ne schulden noȝt entren in-to my reste. [verse 12] And breþeren, loke ȝe, wheþer
