ne dispyseþ noȝt man, bote God, þat haþ y-ȝefen his holy Spiryt in ous. [verse 9] Of charite of breþerhede we ne haueþ no nede to wryte to ȝou: for of God ȝe han y-lerned ȝow-selfe, [verse 10] how ȝe schulen l[o]ue [lyue S.P. nota in the margin, S.] to-gedere; for [ȝe doþ] þat to alle ȝowre breþeren in al Macedonye. Bote, breþeren [P folio 69] , we preyeþ [verse 11] ȝow [Vulg. Rogamus autem vos fratres ut abundetis magis.] , þat ȝe ben aboute to ben in reste, & þat ȝe don ȝoure werk, & worchen wiþ ȝoure hondes, as we han y-bede ȝou & y-sayd ȝow her-byfore; þat ȝe walken honestlyche to hem þat [S folio 60] ben wiþ-outen-forþ, desyrynge no þing of no mannes. [verse 12] Bote, breþeren, we ne woleþ noȝt þat ȝe ben vnkunnynge of hem þat beþ slepynge; þat ȝe ben noȝt drery, as oþer men, þat habbeþ non hope. [verse 13] For ȝef we bylefeþ þat Iesu was ded, & þat he ros [a ros P.] up from deeþ to lyfe, so God schal bryngen þilke þat hafeþ y-sleped by Iesus wiþ hym. [verse 14] For þis we seggeþ in þe word of God, þat we þat lyfeþ & beþ þe resydue in þe comynge of oure Lord, ne schuleþ noȝt gon byforen hem þat han y-slept byfore. [verse 15] For oure Lord in his commaundynge, & in þe voyce of an archaungel, & in þe trompe of God, schal come adown from hefne: & þilke þat [verse 16] beþ dede in Crist schuleþ rysen [risen repeated in the margin, 1st corr. S.] up furst: & siþþe we þat lyfeþ, þat beþ y-laft, schulen ben y-rauysched to-gedere wiþ hem in clowdes, to mete with Cryst in þe eyr: & so we schuleþ efermore ben with oure Lord. [verse 17] & þerfore be ȝe y-comforted to-gedere in these wordes.
[verse 1] Bote of þe tymes & of þe momentes, my breþeren, it nedeþ noȝt þat y wryte to ȝou. [verse 2] For ȝe wyteþ ȝou-selfe [P folio 69b] þat þe day of oure Lord schal come as a þef by nyȝte. [verse 3] For [e in the margin, S.] whanne me seiþ þat þer is pees & sekernesse, þanne schal þer come a sodayn deþ, as þe sorowȝ of a [om. P.] womman þat bereþ a chylde; bote þei ne schuleþ noȝt flen a-wey. [verse 4] Bote, breþeren, [verse 5] ȝe be noȝt in derknesse, þat þilke day take ȝow as a þef: for alle ȝe beþ chyldren of lyȝt, & Goddes chyldren, & ȝe beþ nouþer of nyȝt, ne of darknesse. [verse 6] And þerfore ne slepe we noȝt, as oþer men, bote wake [S folio 60b] we & be we sober. [verse 7] For þilke
