And [tessalonycences in the margin, 1st corr.; repeated as a heading through|out in a late hand, S.] to þe Tessalonycences, suster, he writeþ & seiþ,
[verse 2] We þankeþ God efermore for ȝow alle, & we makeþ [verse 3] muynde of ȝou efermore wiþ-outen styntynge, hafynge muynde of þe werk of ȝoure feiþ, & of ȝoure [oure, P.] [P folio 66b] trafayle, & of ȝoure charyte, & of ȝoure abydynge, & of ȝoure hope of oure Lord Iesu Crist, to-fore God & oure Fader. [verse 4] And knowe ȝe, my [verse 5] lefe breþeren, ȝoure eleccyoun of God, for oure euangelye ne was noȝt to ȝou onlyche in word, bote in vertu, & in þe holy Spiryt, & in gret plente, as ȝe wyteþ whyche we weren in ȝou for ȝou. [verse 6] And ȝe beþ y-maad foleweres of [S folio 58] ous, & of oure Lord, takynge þe word in myche tribulacyoun, wiþ þe ioye of [verse 7] þe holy Spiryt; þat ȝe beþ y-maad forme to alle þilke þat byleueþ in Macedonye & in Achaye. [verse 8] For of ȝou Godes [word] [word in a late hand, P.] is y-sprongen [s added above the-line, S.] a-brood, noȝt onlyche in Macedonye & in Achaye, bote in-to eferich place ȝoure feiþ þat is in God is y-passed forþ; so þat it is noȝt nedful to speke to ȝou no þing. [verse 9] For þei scheweþ of ous what entre we haden in-to ȝow; & how ȝe beþ y-turned to God fro mawmetes, for-to [verse 10] seruen a verrey God þat lyueþ, & to abyden his Sone from heuene, whom he arered up from deþ to lyf, Iesu, þat haþ delyuered ous from wraþþe þat is to comynge.
[verse 1] And ȝe ȝou|self knoweþ oure entre to ȝou, & þat it ne was noȝt veyn: [verse 2] bote furst we suffreden enuyes & disheses, as ȝe wyteþ wel, among Phylypences, bote we haden trust in oure Lord God to [P folio 67] speke to ȝou þe euangelye of God in myche bysynesse. [verse 3] & oure exortacyoun ne was noȝt of errour, ne of vnclannesse, ne [verse 4] in gyle: bote as [we] weren y-prefed by-fore God, & as þe euangelye was y-take to ous, so we spekeþ; noȝt as plesynge to men, bote to God þat prefeþ oure hertes. [verse 5] Ne we weren noȝt in no tyme in speche of flaterynge, as ȝe wyteþ wel, ne [verse 6] in [in no P. nota in the margin, S.] occasyoun of coueytyse, God is wyttnesse; ne sechyng [verse 7] worschupe of ȝou, ne of non oþer, whan we myȝten haue y-be
