myȝty to kepe ȝou with-outen synne & for-to ordeyne ȝow by-fore þe syȝt of his glorye, vnfyled in ioye in þe comynge of [verse 25] oure Lord Iesu Crist, only to God oure Sauyour by Iesu Crist, to oure Lord b[e] [by S.P.D.] glorye & worschupe & gret lord|schupe & power byfore al þe worlde & now in alle þe worldes. Amen [MS. D ends here.] .
"Suster, þus han Cristes princypal apostolus Petur and Iames & Ion & Iude y-wryten to þe pepel, to techen hem how þei schulden lyuen vertuouslyche, in forsakynge þe lykynges of þe worlde & þe lykynges of þe flesch, as Crist techeþ in þe gospel." [verse 5] "Broþer, y seo wel þat þese aposteles techeþ þe pepel as Crist techeþ in þe gospel, bote neþeles, broþer, þese apostelys weren y-ordeynyd to techen þe chyldren of Israel & þe Iewes, & we beþ noȝt of þe chyldren of Israel, for oure auncetres weren [P folio 36b] heþen men þat weren y-turned to [verse 10] byleuen in Crist by Poul þe apostel; & þerfore y preye þe [S folio 31b] , telle me what manere he tauȝte men to lyue, when he hade y-turned hem from here fals byleue. For sum men seyn þat Crist and his oþer aposteles tauȝten hure parfyt techynge to þe chyldren of Israel, þat God hade raþer y-tauȝt by Moyses [verse 15] & oþer prophetes; & þei seyn þat it is y-nouȝ for ous to byleuen in Crist, & ben y-folewed, & þanne we schulleþ ben y-saued. & þerfore, broþer, y preye þe þat þou telle me wheþer þat Poule, þat wes a postel of mys-beleued men, tauȝte hem eny þing ellys þan to byleuen in Crist, & ben y-folewed in his name." [verse 20] "Suster [sustester S.] , þou schalt vnderstonde þat Poule wryteþ many epysteles to dyuerse men þat he turned to þe byleue, how þei schulen byleuen, & how þei schulleþ lyuen; bote y ne may noȝt at þis tyme wryte to þe alle his pysteles as þei stondeþ; bote naþeles, ȝef it be Goddus wylle, þou schalt habbe hem heraftur. [verse 25] Bote suster, þu schalt vnder|stonden þat seynt Poule techeþ þre þinges in his pysteles: on þing is þat þei byleuen in Iesu Crist, þat is Goddes sone & sauyour of mankynde, þat come to saue synful men, þoroȝ grace & þoroȝ mercy, þat byleueþ in hym; & so Seynt Poule
