God, for whateuere we axeþ hym, we schuleþ vnderfongen it [verse 15] after his wylle, & he wole y-heren ous: & we [om. P.] wyteþ wel þat he hereþ ous what-euere we axen hym, for we han oure axinges þat [P folio 33] we axeþ of hym. [verse 16] Who þat knoweþ his broþer [S folio 28b] [ Heading: Johannis ii. S.] synne a synne noȝt to þe deþ, preye he, & þer schal ben y-graunted lyf to hym þat synneþ noȝt to þe deþ. & þer is synne to þe deþ: for þat y seye, no man preye. [verse 17] Euerich wykkednesse is synne, & þer is synne þat is noȝt to þe deþ. [verse 18] We knoweþ wel þat euerych man þat is y-boren of God ne synneþ noȝt; bote þe bygetynge of God kepeþ hym, & he þat is wykked ne [om. P.] schal noȝt touchen hym. [verse 19] And we knoweþ wel þat we beþ y-boren of God, & þat al þe world is y-set in hym þat is wykked. [verse 20] & we knoweþ þat [þat goddes...we knowen omitted, P.] Goddes [sone] com & haþ y-ȝeuen ous a wytt þat we knowen [þat goddes...we knowen omitted, P.] verrey God, & þat we ben in his verrey Sone. Þis is [om. P.] verrey God, & an euer|lastynge lyf. [verse 21] My smale children, kepe ȝe ȝow from mawmetes & symulacris. Here [Here endeþ... bygynneþ in red ink, P.] endeþ þe furste part of Johnys [jonyes P.] pystelys, and þe secounde part bygynneþ.
II. JOHN.
Þe [2a epistola in the margin of P. MS. D begins here fol. 77b] [D folio 77b] eldere to a chosen lady & to here chyldren, þe whuche y loue in soþfastnesse; & not y alone, bote alle þat soþfast|nesse [verse 2] han knowen [y knowen P.] ; for þe soþfastnes þat in ȝou dwelleþ, & wiþ ous schal be wiþ-outen end. [verse 3] Wiþ ȝou b[e] [by S.D., be P.] grace, & mercy, & pees of God þe Fader, & of Iesu Crist, þe Sone of þe Fader, in soþfastnesse & charyte. [verse 4] Ych am wel gladud, for y haue founde of þi chyldren goynge in soþfastnes [P folio 33b] , as we haue taken comaundement of oure Fadur. [verse 5] And now, dame, y preye þe, not as wrytynge to þe a newe comaundement, but þat we haue had fro þe bygynnyng, þat eche of ous [S folio 29] [Heading: Johannis iii. S.] loue oþer. [verse 6] & þat is charyte, þat we walken after his comaunde|mentys [de om. P.] . Þis is soþly þe comaundement, þat ryȝt as ȝe haue [herde]
