gast is shewid. how lange sall .i. sett counsails in my hert of diuerse thyngis. Gret brennynge of the suffrand here is sene. as wha say, how lange sall i be in aduersites: for men has na mystere of coun|saile bot in 'aduersite: bot .i. am in' [S. U om. 'aduersite—in.'] anguys and sorow in my saule, of the delaiynge: by day, that is continuelly, whils my lif lastis. for when we couaite a thynge. and that thynge is delaid, the sorow of ȝernynge waxis. And for na man lifis here withouten temptacioun, thof he be neuer swa perfit, he says,
3. Vsquequo exaltabitur inimicus meus super me: re|spice & exaudi me domine deus meus. ¶ How lange sall myn enmy be heghid abouen me; loke & here me, lord my god. ¶ His enmy [S ins. 'he clepis.'] , the deuel, or fleschly costom, that is heghid abouen him, whilles god suffirs him to haf myght to tempe him or tourment him: bot that i be lesid [S be lesede. U belisid.] of that enmy. loke whas lokynge is help. and here me in this.
4. Illumina oculos meos ne vnquam obdormiam in morte: nequando dicat inimicus meus preualui aduersus eum. ¶ Lyghten myn eghen that i noght any tyme slepe in ded: les|when myn enmy say. i had the maistry agaynes him. ¶ Lyghten with thi luf the eghen of my hert. that i. slep noght in ded. that is that myn eghen be noght loukid in delite of synn. than we slepe in ded when the lyght of godis luf es grauen and slekynd in vs, and we haf oure delite in fleschly lust, or in any other dedly synn. les|when myn enmy, that is the deuel, say, i. had maystri agayns him. he makes his saute in vs, and bost bifor god, to gare vs be dampned if he may ouere com vs in any temptacioun.
5. Qui tribulant me exultabunt si motus fuero: ego autem in miserecordia tua speraui. ¶ Thai that angirs me [U ins. a second 'me.'] sall be glad if i. ware stird; bot i in thi mercy hoped. ¶ The deuels that tempis vs nyght and day. has nan other ioy than if thai stire vs fra stabilnes of thoght, and gare vs fall in synn: thai angire me for to stire me, and sythen eftire stirynge waites when .i fall: that thai swa myght make hethynge at me: bot .i. lord hoped in thi mercy, to stand: and sett noght by thaire stirynge, na mare than a geaunte dos at the puttynge [S pincynge.] of a waik man.
6. Exultabit cor meum in salutari tuo: cantabo domino qui bona tribuit michi, & psallam nomini domini altissimi.
